KAKH LAGAAN CHHWIN KAIMA LAGAAN CHWIN

Get this widget | Track details | eSnips Social DNA

http://www.esnips.com/doc/c0933dc7-4610-49ff-b088-d7f7a06dcb5a/kakh-lagaan-chhwin

कख लगाण छविं कैमा लगाण छविं
ये पहाड़ की कुमौ गड़वाल की
कख लगाण छविं कैमा लगाण छविं
.
रिता कूडों की तीसा भांडों की -२
बगदा मनख्यूं की रडदा डाँडों की
.
कख लगाण छविं कैमा लगाण छविं
ये पहाड़ की कुमौ गड़वाल की
कख लगाण छविं कैमा लगाण छविं
.
सर्ग तेरी आशा कब आलू चौमासा -2
गंगा जमुनाजी का मुल्क मनखी गोर प्यासा
.
कख लगाण छविं कैमा लगाण छविं
.
क्या रूडी क्या हयुन्द, पाणी नीच बूंद-2
फिर बणी च योजना बल देखा अब क्या हून्द
.
कख लगाण छविं
रिता कूडों की तीसा भांडों की -२
बगदा मनख्यूं की रडदा डाँडों की
कख लगाण छविं कैमा लगाण छविं
.
बैख डुबयाँ दारू मा नौना टुन्न यारू मा-2
कजेणी आन्दोलन चलाणी, दफ्तर बाजारू मा
.
कख लगाण छविं कैमा लगाण छविं
.
कच्ची गद्न्य छान्यु मा, पक्की खुली दुकान्यु मा-2
दारू का उद्योग खुल्याँ उंकी मेहर्बंयु मा
.
कख लगाण छविं
रिता कूडों की तीसा भांडों की -२
बगदा मनख्यूं की रडदा डाँडों की
कख लगाण छविं कैमा लगाण छविं
.
कुड़ी टूटणी ठेस मा छिपाडा लाग्यां रेस मा-2
भीतर मूसा बिराला बस्याँ मनखी भैर देश मा
.
कख लगाण छविं कैमा लगाण छविं
.
न भीतर न भैर कखी भी नीच खैर-२
दिन मा गिज्युं बाघ रात भ्युन्चाला की डैर
.
कख लगाण
रिता कूडों की तीसा भांडों की -२
बगदा मनख्यूं की रडदा डाँडों की
.
कख लगाण छविं कैमा लगाण छविं
.
जंगल शेर बाघ मा, खेती बाड़ी त्याग मा-२
सार खायी बान्दरून, सगोडी गै उज्याड़ मा
.
कख लगाण छविं
रिता कूडों की तीसा भांडों की -२
बगदा मनख्यूं की रडदा डाँडों की
कख लगाण छविं कैमा लगाण छविं
.
कर्ज गाडी पैन्छू, फैलूं मा अल्झी भैन्सू-2
गोर दुब्याँ बाड़ मा सूखू पोडी ऐंसू
.
कख लगाण छविं
रिता कूडों की तीसा भांडों की -२
बगदा मनख्यूं की रडदा डाँडों की
.
कख लगाण छविं कैमा लगाण छविं
ये पहाड़ की कुमौ गड़वाल की
कख लगाण छविं कैमा लगाण छविं

जून सी मुखडी जुन्ख्याली आँखी मायादार रत्न्याली

Get this widget | Track details | eSnips Social DNA

http://www.esnips.com/doc/62686971-c5e6-4606-8833-03b462236bc8/19-Jun-se-mukhri

जून सी मुखडी जुन्ख्याली आँखी मायादार रत्न्याली
जिकुड़ी का काख बाली माया कैखुणी धरीं च समाली

हो ओ ओ जून सी

हो ओ ओ ओ आ आ आ आ आ
घुन्ग्र्याली लटुली क्या शान कनी चा-२
घुन्द्क्याली खुटयूँ मा पैजाबी क्या बोनी चा

हो ओ ओ
पैजाबी बोनी च झूटी, छुयुं मा ना ऐई-२
माया कि चिफ्ली धुन्ग्युं मा रैडी न जैइ
माया लाणी जरा कि माया लाणी जरा देखि भाली
तू भी तेरी छ्विं भी आली जाली

जिकुड़ी का काख बाली माया कैखुणी धरीं च समाली
जिकुड़ी कु भेद बैरी मुखडी खोनी चा-2
छन छन चूड़ी तेरी बोल क्या बोनी चा

हो ओ ओ ओ ओ
चूड़ी बोनी छि मेरी चल हिट घौर
निर्मोही होंदीन ये परदेशी भौंर
बंडी बत न, बंडी बत न बनौ दयोलू गाली
तू भी तेरी छ्विं भी आली जाली

लस्स लस्स कमरी बथों मा हलणी चा-२
बोझ तेरी ज्वनि कु णी सिक सकणी चा

मुंड कपाल फोड़ चा तू हाथ खुटा तोड़-२
नि आन्दु छुँयुं मा तेरी हट बाठु छोड़
बंडी बत न, बंडी बत न बणों दयोलू गाली
तू भी तेरी छ्विं भी आली जाली

जून सी मुखडी जुन्ख्याली आँखी मायादार रत्न्याली
हो ओ ओ
जिकुड़ी का काख बाली माया कैखुणी धरीं च समाली

सच माना न माना विंकी पछ्याँण कुछ हौरी छैइ

Get this widget | Track details | eSnips Social DNA

http://www.esnips.com/doc/b26f4667-0498-4eb1-8240-89f6d80365ec/sach-mana-na-maana


सच माना न माना विंकी पछ्याँण कुछ हौरी छैइ-२
बात बिचार बोलन बच्यांणम राष्याँण कुछ हौरी छैइ-२
.
इनी भी नि छै व उनी भी नि छै जन तुम सोचणा तनी भी नि छै-२
सच पूछा ता कनी भी नि छै क्या बताण कुछ हौरी छैइ
बात बिचार बोलन बच्यांणम राष्याँण कुछ हौरी छैइ

लाखू कि भीड़ मा देखि छै, भीड़ मा छै पर एकी छै-२
बणिगे त बणिगे बिधातन अब नि बणाण कुछ हौरी छैइ
सच माना न माना विंकी पछ्याँण कुछ हौरी छैइ
.
चाल ढाल अन्वार कु नि, जिकर रूप श्रींगार कु नि-२
झणि क्या बात उं आंख्युं मा पाण कुछ हौरी छैइ
बात बिचार बोलन बच्यांणम राष्याँण कुछ हौरी छैइ
.
देख्ल्या ता देख्दै रैजैल्या सोच्ल्या ता सोच्दै रैजैल्या-२
कलम कंठ रुक गेनी गुण क्या गांण कुछ हौरी छैइ
सच माना न माना विंकी पछ्याँण कुछ हौरी छैइ
.
बात बिचार बोलन बच्यांणम राष्याँण कुछ हौरी छैइ
सच माना न माना विंकी पछ्याँण कुछ हौरी छैइ

देर होली अबेर होली-२ होली जरुर सबेर होली

Get this widget | Track details | eSnips Social DNA

http://www.esnips.com/doc/8319662f-ca3c-48f0-9532-0a61c7c65acc/der-holi-aber-holi

देर होली अबेर होली-२
होली जरुर सबेर होली
.
हिटदी जा हिटदी जा(च..)
.
देर होली अबेर होली-२
.
होली जरुर सबेर होली-२
हिटदी जा हिटदी जा हिटदी जा........हो ओ ओ
बटवे रे हिटदी जा-2(च..)
.
मुख फेर फेरी अंधेरु नि छटेणू
बाठु हेरी हेरी बाठु नि कटेणू
.
हिटदी जा हिटदी जा
.
मुख फेर फेरी फेरी अंधेरु नि छटेणू
बाठु हेरी हेरी बाठु नि कटेणू
कैमा क्या पुछदी बैठी क्या सोचदी-२
पैली भी व्हे फेर होली
.
होली जरुर सबेर होली-२
हिटदी जा हिटदी जा हिटदी जा......हो ओ ओ
बटवे रे हिटदी जा (च..)
.
खैरी बिपदा का बिष कांडा काटी,
अंधेरु बिरै कि सुबठा छांटी
.
हिटदी जा हिटदी जा (च..)
.
खैरी बिपदा का बिष कांडा काटी,
अंधेरु बिरै कि सुबठा छांटी
मारी लपाक लन्गै कि बुरैइ-२
सोच भलु भलु कैर होली
.
होली जरुर सबेर होली-२
हिटदी जा हिटदी जा हिटदी जा......हो ओ ओ
बटवे रे हिटदी जा-२ (च..)
.
रात भी आली रत्ब्याणु हैसलू, अँधेरा मन उज्येलु पौन्छालू
.
हिटदी जा हिटदी जा (च..)
.
रात भी आली रत्ब्याणु हैसलू, अँधेरा मन उज्येलु पौन्छालू
कांडों मा फूल डान्डों मा हैर्याली-२
दुनिया देखली जैबेर होली
.
होली जरुर सबेर होली-२
हिटदी जा हिटदी जा हिटदी जा......हो ओ ओ
बटवे रे हिटदी जा-२ (च..)
.
होलू उदंकार जब धार पोर, खुलला सुख का द्वार मोर
.
हिटदी जा हिटदी जा (च..)
.
होलू उदंकार जब धार पोर, खुलला सुख का द्वार मोर
भैराली दीजी व भाग कि बांद-२
देली मा पौन्छ्दी भेंट होली
.
होली जरुर सबेर होली-२ च
हिटदी जा हिटदी जा हिटदी जा......हो ओ ओ
बटवे रे हिटदी जा-२ (च..)

with lots of luv
Yogesh

मेरा औण से हर्ष हवे कै त व्हेल्यो

Get this widget | Track details | eSnips Social DNA

http://www.esnips.com/doc/d5e3fe0d-b118-49d7-8948-6c4711a0416a/mera-aun-se

मेरा औण से हर्ष हवे कै त व्हेल्यो,
ना हो मेरा जाणा कु दुःख कै न हो, दुःख कै न हो
मेरा सुख मा हैंसणा कु न्यूतू सभु कू
मेरा दुःख मा रोणा कू हक कै न हो, हक कै न हो
.
मुलूक हो पराया, खुद हो तुम्हारी, मुलूक हो पराया खुद हो तुम्हारी
पीड़ा हो कि ज्वा आज तक सै न हो, आज तक सै न हो
.
बडूल्यूं मा रैबार भेजी नि ऐनी, बडूल्यूं मा रैबार भेजी नि ऐनी
क्या सुपिन्यम भी आणा कु बकत रै न हो, बकत रै न हो
.
कख रिबड़ीनि खुटी वो, किले नि बौडी होली,
कख रिबड़ीनि खुटी वो, किले नि बौडी होली
कखी सौतेला बाठों न भक्लै न हो, भक्लै न हो
.
ज्वनि ह्वेगी माटू, ढून्गू व्हे पराण,
ज्वनि ह्वेगी माटू, ढून्गू व्हे पराण,
कभी सुख ऐ जालू त रगरै न हो रगरै न हो
.
मेरा औण से हर्ष हवे कै त व्हेल्यो,
ना हो मेरा जाणा कु दुःख कै न हो, दुःख कै न हो
मेरा सुख मा हैंसणा कु न्यूतू सभु कू
मेरा दुःख मा रोणा कू हक कै न हो, हक कै न हो

Get this widget | Track details | eSnips Social DNA

हेरी फेरी बैंया पकड़ लै,हेरी फेरी बैंया पकड़ लै
हेरी फेरी बैंया पकड़ लै,हेरी फेरी बैंया पकड़ लै
.
पैलो फेरो फेर लाडी कन्या छै कुवांरी, दूजो फेरो फेर लाडी ब्वे बाबु कि प्यारी
.
हेरी फेरी बैंया पकड़ लै,हेरी फेरी बैंया पकड़ लै
हेरी फेरी बैंया पकड़ लै,हेरी फेरी बैंया पकड़ लै
.
तीजो फेरो फेर लाडी कन्या छै कुवांरी, चौथो फेरो फेर छोड़ भाई बैणों को धौड़
.
हेरी फेरी बैंया पकड़ लै,हेरी फेरी बैंया पकड़ लै
हेरी फेरी बैंया पकड़ लै,हेरी फेरी बैंया पकड़ लै
.
पांचों फेरो फेर लाडी कन्या छै कुंवारी, छटों फेरो फेर छोड़ ब्वे बाबु कि गोदी
.
हेरी फेरी बैंया पकड़ लै,हेरी फेरी बैंया पकड़ लै
हेरी फेरी बैंया पकड़ लै,हेरी फेरी बैंया पकड़ लै
.
सातों फेरो फेर लाडी कन्या हवे तू नारी, सातों फेरो फेर लाडी सदा स्वागीन रैइ

माछी पाणी सी ज्यू तेरु मेरु हो ओ ओ

Get this widget | Track details | eSnips Social DNA

माछी पाणी सी ज्यू तेरु मेरु हो ओ ओ
बिना तेरा नि जियेंदु नि रायेंदु त्वे बिना
माछी पाणी सी ज्यू तेरु मेरु हो माछी पाणी सी
.
दयु बती सी ज्यू तेरु मेरु हो ओ ओ
बिना तेरा नि जियेंदु नि रायेंदु त्वे बिना
दयु बती सी ज्यू तेरु मेरु हो दयु बती सी
.
दिन डूबी धार पोर, दिन ओ ओ ओ
दिन डूबी धार पोर, खुद खेवाई ऐ घौर
फिर आंख्युं बस्ग्याल,फिर उमली उमाल
फिर उमली उमाल सुवा हो ओ ओ
बिना तेरा नि थामेंदु नि थामेंदु त्वे बिना
.
माछी पाणी सी ज्यू तेरु मेरु हो ओ ओ माछी पाणी सी
.
ऋतू मौल्यार की औंदी ऋतू हो ओ ओ ओ
ऋतू मौल्यार की औंदी, फूल्वी डाल्युं हैंसोंदी
बिंडी बरसू माँ ऐंसू, मन बोदू मी बी हैंसू
मन बोदू मी बी हैंसू सुवा हो ओ ओ
बिना तेरा नि हैंसेंदु नि हैंसेंदु त्वे बिना
.
दयु बती सी ज्यू तेरु मेरु हो दयु बती सी
.
पांडा सोचणी सिलोटी, पांडा हो ओ ओ
पांडा सोचणी सिलोटी, ओबरा उंगणी जन्दरी
चौक टपराणु उर्ख्यालू, बाठु हेरदू चुल्खांदु
बाठु हेरदू चुल्खांदु सुवा हो ओ ओ
बिना तेरा नी जगदू नी जगदू त्वे बिना
.
माछी पाणी सी ज्यू तेरु मेरु हो माछी पाणी सी
.
म्वारी चैत्वाली घूमणोंन्दी, म्वारी हो ओ ओ ओ
म्वारी चैत्वाली घूमणोंन्दी, गीत माया का सुणोंदी
मन बोदू मी भी गोंउ, गोंउ खुद बिसरोंउ
गोंउ खुद बिसरोंउ सुवा हो ओ ओ
बिना तेरा नी गयेंदु नी गयेंदु त्वे बिना
.
दयु बती सी ज्यू तेरु मेरु हो ओ ओ
बिना तेरा नि जियेंदु नि रायेंदु त्वे बिना
दयु बती सी ज्यू तेरु मेरु हो दयु बती सी
.
माछी पाणी सी ज्यू तेरु मेरु हो ओ ओ
बिना तेरा नि जियेंदु नि रायेंदु त्वे बिना
माछी पाणी सी ज्यू तेरु मेरु हो माछी पाणी सी